Shqipëria fiton ndaj Moldavisë 

Përditësuar më 18 June 2023, 00:40

Shqipëri 2-0 Moldavi

Shqipëria mund Moldavinë dhe merr 3 piikë të plota. 

Debutojmë me fitore në shtëpi. “Air Albania Stadium” festoi gjatë një natë që do ta mbajë mend sepse Shqipëria siguroi fitoren e parë në ndeshjen e dytë të grupit E të eleminatoreve Euro 2024. 

Pjesa e dytë fantastike për të besuarit e trajnerit Sylvinho të cilët u treguan më këmbëngulës dhe konkretë. Asani me të majtën kirurgjikale dhe Bajrami çtensionuan ambjentin pas një pjese të parë nervoze ku edhe tranversa u bë pengesë që Cikalleshi të shënonte. 

90 minuta konstante dhe me ritëm, skuadra kuqezi bindi në lojë dhe rezultat duke dhuruar spektakël për 21 mijë të pranishmit në stadium dhe miliona zemrat kuqezi në mbarë botën.

Moldavia nuk e rrezikoi asnjëherë portën e Berishës dhe kjo statistikë mjafton për të kuptuar ndeshjen e luajtur në Tiranë ku Mitaj rezultoi shumë i rëndësishëm në krahun e majtë ndërsa Bajrami lider në mesfushë dhe Asani sërish poztiv në fushë.

3 pikët e para në një grup ku lufta do të jetë deri në fund shumë e ashpër pasi Çekia triumfoi në Ishujt Faroe ku pas 3 ditësh Shqipëria do të kërkojë një fitore tjetër. Me Moldavinë të hipotekuar, kuqezinjtë mund të fokusohen tashmë te transferta delikate e datës 20.

Ndërkohë, surpriza e grupit mund të konsiderohet Çekia që ka arritur të marrë edhe fitoren e 2 në grup. Çekët kanë mundur Ishujt Faroe me rezultatin 0-3 në transfertë duke u shkëputur edhe më shumë në krye, megjithëse ka një ndeshje më shumë se Shqipëria dhe Polonia.

Skuadra çeke ka mundur Poloninë në ndeshjen e parë në grup, por më pas hodhi një hap të gabuar duke u ndalur në barazim pa gola nga Moldavia. Ndeshja e radhës do të jetë në Pragë, aty ku Republika Çeke do të presë kuqezinjtë e Shqipërisë.