Shqipëria luan miqësore në Itali me KILIN para Europianit

Shqipëria do të luajë një miqësore me Kilin më 21 mars.

Kreu i Federatës Shqiptare të Futbollit, Armand Duka, ka thënë se është bërë pothuajse gjithçka gati për të organizuar ndeshje kundër Kilit në Bolonja të Italisë edhe pse akoma nuk ka një marrëveshje të firmosur.

“Nuk kemi firmosur zyrtarisht një marrëveshje, por jemi pothuajse në përfundim të saj për të realizuar një miqësore kundër Kilit në Bolonja, të Italisë me datë 21 Mars dhe nga Bolonja të udhëtojmë në Stokholm kundër Suedisë. Të dyja janë skuadra shumë të forta.

Për të qenë korrekt, ne akoma nuk kemi firmosur një marrëveshje, por jemi pothuajse për ta organizuar këtë ndeshje në datë 21 Mars.”, tha Duka në TV KLAN.