Shqiptari vret gruan vajzën dhe veten

Në banesën e familjes, punëtorët e shpëtimit gjetën trupin e gruas 46-vjeçare dhe vajzës së tyre 17-vjeçare, ndërsa vajza 14 vjeçare ishte e pa dëmtuar.

Për shkak të situatës në shtëpinë në Isselburg, hetuesit aktualisht po supozojnë se 51-vjeçari nga Kosova së pari vrau gruan dhe vajzën e tij dhe më pas vrau veten në verandën e shtëpisë, sqaron Bild.

Asam S. thirri një të njohur që jetonte larg dhe i rrëfeu çfarë kishte ndodhur me familjen e tij. Dëshmitari menjëherë lajmëroi policinë, por oficerët u vonuan.

“Sipas gjetjeve fillestare, burri 51 vjeçar donte të vriste gruan e tij dhe dy fëmijët e tyre”, tha Kryeprokurori Publik Martin Botzenhardt.

Gazeta gjermane shkruan se Elfete S. donte të ndahej me burrin e saj, ndërsa çifti jetonte veçmas. Nëna e tre fëmijëve dukej shumë e dëshpëruar, raportojnë fqinjët.

Mosmarrëveshjet në kontekstin e një faze të gjatë ndarjeje të çiftit mund të konsiderohen si motiv për aktin. Një skuadër vrasjesh ka marrë përsipër hetimet.