Shtrohet në spital kryeministri britanik , me temperaturë të lartë nga koronavirusi

Një zëdhënëse e kryeministrit tha se Johnson “vazhdon të ketë simptoma të vazhdueshme të koronavirusit”, përfshi edhe temperaturë të lartë.

Zëdhënësja tha se shtrimi i tij në spital është një “hap paraprak” i ndërmarrë pas këshillimit me mjekët.

Kryeministri mbetet përgjegjës për qeverinë dhe u bëri thirrje qytetarëve të ndjekin këshillat për distancimin shoqëror.

“Me këshillën e mjekut të tij, kryeministri sot është shtruar në spital për teste,” tha zëdhënësja e Johnson.

“Ky është një hap paraprak, pasi kryeministri vijon të ketë simptoma të vazhdueshme të koronavirusit dhjetë ditë pas testimit pozitiv për virusin”.

Zëdhënjësja shtoi: “Kryeministri falënderon stafin e NHS për të gjithë punën e tyre të jashtëzakonshme dhe e nxit publikun që të vazhdojë të ndjekë këshillat e qeverisë për të qëndruar në shtëpi, për të mbrojtur NHS dhe për të shpëtuar jetë.”