Shtyhet për herë të 3-të seanca për Balilin, gjobitet avokati i tij

Dështon sërish seanca ndaj Kelmend Balilit, ku pritej të lexohej pretenca.

Kjo është seanca e tretë qe dështon, ndërsa edhe këtë herë shkak u bë mungesa e mbrojtjes. Kështu, gjykata vendosi të shtyj seancën për në datën 8 prill ndërsa gjobiti avokatin Theodhori Sollaku, me 10 mijë lekë gjobë.

I ashtuquajturi “Eskobari i Ballkanit” akuzohet për “Trafikim të lëndëve narkotike në bashkëpunim, “pjesëmarrje në grupin e strukturuar kriminal”, “Refuzim për deklarim, mosdeklarim, fshehje ose deklarim i rremë i pasurive”, si dhe për “Pastrim parash”.

Balili u vetëdorëzua në mëngjesin e 15 Janarit në Policinë e Tiranës, pas 2 vitesh arrati. Më shumë se dy vite kanë zgjatur hetimet për Balilin, pjesa më e madhe e të cilave është e bazuar në përgjigjet e marra nga letërporositë e ardhura nga Greqia.