Si çifti shqiptar tentoi të kontrabandojë jashtë Anglisë 248 mijë €

Një burrë dhe një grua shqiptare që u përpoqën të kontrabandonin më shumë se 200,000 £ nga Britania e Madhe gjatë periudhës së pandemisë Covid, janë dënuar për pastrim parash.

Ardian Sharra, 51 vjeç dhe Valbona Laloshi, 41 vjeç u hetuan nga Agjencia Kombëtare e Krimit pasi makina e tyre Mercedes u ndalua në terminalin e tunelit në Folkestone, Kent, në maj 2020.

Çifti po udhëtonin me tre fëmijët e tyre dhe thanë se ishin rrugës për të vizituar të afërmit e tyre në Brescia, Itali. Ata fillimisht u deklaruan oficerëve se kishin me vete pesë mijë paund, të cilat sipas tyre do të paguanin për trajtimin e dhëmbëve gjatë qëndrimit në Itali.

Por gjatë kontrollit 14,000 £ të tjera u gjetën në çantën e Laloshit dhe më shumë se 200,000 £ të fshehura në një çantë shpine dhe valixhe në bagazhin e makinës.

Hetuesit kryen një kontroll në shtëpinë e çiftit, ku gjetën dokumente të shumta që përshkruanin dhjetëra depozita të mëdha parash në llogaritë bankare të operuara nga çifti. Kërkimet e mëtejshme financiare identifikuan se Sharra dhe Laloshi kishin depozituar më shumë se 110,000 £ në llogaritë e tyre në vitin e kaluar, më shumë se pesëfishi i të ardhurave të tyre të deklaruara në mënyrë legjitime për të njëjtën periudhë.  Pati edhe transferta të shumta të pashpjegueshme nga bankat e huaja.

Sharra e kishte blerë Mercedesin për 11,000 £ dhe e kishte paguar me para në dorë vetëm dy muaj më parë. Çifti u akuzua për pastrim parash, të cilat ata të dy e mohuan fillimisht.

Gjatë seancës së sotme në Canterbury Crown Court, ata pranuan krimin.

Sharra u dënua me 18 muaj lirim me dhe 200 orë punë pa pagesë, ndërsa Laloshi 12 muaj urdhër komunitar dhe 50 orë punë pa pagesë.