Si mund të mbash një njeri të tillë në krye të KED”, Presidenti Meta sqaron ç’kërkon me mbledhjen e një ‘Këshilli Politik’

Maskat kanë rënë dhe përgjegjësinë për Reformën në Drejtësi ta mbajnë ata që luajnë fshehurazi. Unë luaj hapur”, kështu u shpreh Presidenti Ilir Meta, në një konferencë për mediat.

Presidenti tha se një njeri që i ka mbaruar mandati i institucionit që drejton nuk mund të rrijë më në krye të tij, aq më tepër që të marrë pjesë në seanca të Gjykatës së Lartë pasi ai që humbet e çon çështjen në Kushtetuese ose në Strasburg dhe e fiton.

Ndërsa sa për Këshillin Politik, Meta sqaroi se “Nuk detyroj njeri të bëjë një marrëveshje. Unë jap një ide bazuar në Kushtetutën e Republikës së Shqipërisë. Se si realizohet ajo duhet të jetë kontribut i palëve. Unë dërgoj një platformë dhe ti më nis disa sugjerime. Nuk kemi më kohë”.

“Presidenti Meta është këtu si President i Shqipërisë deri në 24 korrik 2020 dhe nuk ka nevojë as të mbështesë as të krijojë një demokraci. Fronti për demokracinë fillon me përfundimin e reformës zgjedhore sa më shpejtë, me zgjedhe të lira dhe të ndershme.

Ka nevojë për një front demokracie sepse diktatura ka trokitur dhe mos e  merrni me shaka dhe të gjithë duhet të zgjohen dhe të mbrojnë të drejtat e tyre”, tha Presidenti.

Pyetje: Cilat janë ndryshimet ligjore që duhen bërë?

Presidenti Meta: Këtë ta vendosin palët në përputhje me rekomandimet e Venecias dhe të ndërkombëtarëve. Ky nuk mund të jetë as pjesë e një tryezë të GJL sepse sipas ligjeve në çdo proces ku ky merr pjesë, ai që humb e çon në Gjykatë Kushtetuese dhe të Strasburgut dhe e fiton automatikisht. Si mund të mbash një njeri të tillë ti në krye të KED. Ligji e bën të qartë se kur ikën kreu e drejton zëvendësi.

Pyetje: Këshilli Politik si duhet të jetë?

Presidenti Meta: Nuk detyroj njeri të bëjë një marrëveshje. Unë jap një ide bazuar në Kushtetutën e Republikës së Shqipërisë. Se si realizohet ajo duhet të jetë kontribut i palëve. Unë dërgoj një platformë dhe ti më nis disa sugjerime. Nuk kemi më kohë.

Dy pikat e platformës së paraqitur nga Presidenti Meta

9- Çdo ndryshim ligjor ose kushtetues që lidhet me reforma gjyqësore duhet të bëhet vetëm përmes konsensusit unanim të Këshillit Politik.

10- Në kuadrin e Këshillit Politik, partitë bien dakord brenda qershorit për të emëruar Shef-Negociator për anëtarësimin në BE, një ekspert të nivelit të lartë, integriteti, besueshmëria dhe profesionalizmi i të cilit është i pajtueshëm nga të gjitha palët.