Sistemi i të pangopurve!

Vilma Nushi ka përfituar 1.1 miliardë lek nga buxheti i shtetit pa ofruar asnjë shërbim për qytetarët falë konçesionit të Check Up.

Kontrata e firmosur nga Edi Rama dhe Ilir Beqaj i lejon asaj që të paguhet miliarda përvit nga taksat tona edhe nëse nuk ofron asnjë shërbim.
Shteti ynë për Vilmën është një shtet i pasur e bujar.
Foshnja në foto e kaloi Vitin e Ri në çadër sepse shteti thotë që nuk ka fonde për tu ofruar strehim provizor dinjitoz të prekurve nga tërmeti. Megjithëse prindërit janë rropatur e kanë paguar taksa, për ta shteti është i lodhur dhe pa fuqi.
Shteti për këtë foshnje është i varfër dhe kurnac.

Shqipëria sot ka dy shtete;
Një shtet të pasur e bujar për një grusht të pangopurish që janë pasuruar me paratë publike, e një shtet të varfër e të pamundur për pjesën tjetër të popullatës që jeton me ndershmëri.
Ky kontrast do të marrë fund.
Ky sistem i cili ushqen të pangopurit me lekët e atyre që rropaten përditë në punë do të rrëzohet.