SKANDALI – Ardian Halili ndërtoi resortin luksoz 5,600 m²

Në kohën kur  ishte në detyrë si kryeinspektor i IMT-së Durrës

Ardian Halili, ish-kryeinspektor i Inspektoriatit për Mbrojtjen e Territorit në bashkinë e Durrësit, është arrestuar pasi rezulton se gjatë kohës që ushtronte funksionin publik ka ndërtuar një resort luksoz pa leje në fshatin Shetaj të Ishmit.

Resorti i njohur me emrin “Restorant Saint Michelle Camping Hotel” shtrihet në një sipërfaqe prej 5,600 metrash katrorë dhe përfshin 11 kabina garsoniere, një godinë 2-katëshe, një fushë minifutbolli dhe një pishinë. Punimet nisën në vitin 2018 dhe vazhduan deri në vitin 2021, kohë kur Halili u shkarkua nga detyra.

Sipas drejtorit të Policisë së Durrësit, Vilson Bala:

“Shtetasi A. H. e ka ndërtuar këtë objekt gjatë kohës që ka ushtruar funksionin e kryeinspektorit të IMT-së në Bashkinë Durrës, duke abuzuar me detyrën dhe duke kryer ndërtime pa leje në kundërshtim me ligjin”.

📹 Pamjet e arrestimit u publikuan sot nga policia, ndërsa materialet i janë referuar SPAK-ut për veprat penale:

• “Ndërtim i paligjshëm me qëllim përfitimi”
• “Korrupsion i zyrtarëve të lartë”
• “Shpërdorim i detyrës”

Ky rast është shembulli më i qartë sesi funksionarë të lartë shtetërorë kanë shfrytëzuar pushtetin për interesa personale, duke e kthyer ligjin në mburojë për abuzime dhe pasurim të paligjshëm.