Skandali me rrugët/ Mbërrin në Prokurori Dervishaj, ish ministri i dytë i LSI-së

Sokol Dervishaj, ish-ministri i Transporteve ka mberritur rreth ores 15:00 kete te marte ne Prokurorine e Krimeve te Renda per t’u pyetur ne lidhje me skandalin e rrugeve.

Mesohet se Dervishaj mesohet se po merret në pyetje nga Elisabeta Imeraj.

Ky eshte ish ministri i dyte i LSI qe thirret per te deshmuar nga Krimet e Renda, pas Edmond Haxhinastos, i cili u thirr dje për të dëshmuar në lidhje me skandalin e rrugës Tiranë-Elbasan, ku sipas hetimeve, ka pasur një dëm prej 37 milionë dollarësh me zbatimin e projektit.

Haxhinasto ka qenë ministër Transportesh në periudhën që zhvillohej projekti. Burimet thonë se Haxhinasto është pyetur për rolin e tij në zbatimin e projektit të rrugës, i cili është bërë me abuzime të mëdha.

Për ish-ministrin ka pasur edhe verifikim të rolit të tij nga Prokuroria e Krimeve të Rënda.

Prokurorja Imeraj ka thirrur dy ish-ministrat e LSI në cilësinë e personave që kanë dijeni përsa kohë një sërë ish-zyrtarësh janë nën hetim për dyshimet e shpërdorimit të detyrës në bashkëpunim dhe korrupsionit me fondet e rrugës, ndërtimi i të cilës ende nuk ka përfunduar.