Skandaloze/Shqipëria s’i pranon, 10 barinj bllokohen në doganën e Qafë Thanës në temperatura me minus

Dy prej tyre janë në moshë të madhe, mbi 65-vjeç. 

Ata janë barinj që qëndrojnë dhe punojnë me sezon në malet e Maqedonisë, por teksa janë nisur për t’u kthyer në Shqipëri, e kanë gjetur derën e mbyllur. Shkak është bërë situata nga pandemia e koronavirusit.

Vetë kryeministri Edi Rama ka deklaruar se asnjë shqiptar nuk do të lejohet të kthehet, pasi vendi ndodhet në izolim total. Dhjetra të tjerë janë bllokuar në doganën e Kakavijës si dhe në atë me Malin e Zi.

Barinjtë në doganën e Qafë Thanës janë detyruar ta kalojnë natën në temperatura me minus. Pala maqedonase ka pranuar t’i kalojë, por shqiptarët refuzojnë t’i lejojnë të hyjnë duke thënë se “kështu është urdhri”.