Skenarë të çmendur, Gjermania rrezikon edhe po mundi Korenë. Ja të gjitha opsionet e grupit F
Një grup i komplikuar, ashtu si fitorja e Gjermanisë ndaj Suedisë. Gjermania nuk ia ka dalë ende dhe mund të mos ia dalë edhe në rast se do të fitojë ndeshjen e fundit kundër Koresë së Jugut (i duhet të triumfojë me të paktën 2 gola diferencë).p
Sepse në Grupin F nuk është kualifikuar askush dhe nuk është eliminuar askush. Prandaj, kampionëve të botës do t’u duhet ndihmë. Meksika kryeson me 6 pikë (+2), Gjermania renditet e dyta me 3 pikë (+0), Suedia e treta me 3 pikë (+0) dhe Koreja e Jugut e fundit me 0 pikë dhe (-2 diferencë golash). Por si kualifikohet secila skuadër?
GJERMANIA KUALIFIKOHET KUR:
– fiton ndaj Koresë së Jugut dhe Suedia nuk fiton kundër Meksikës.
– fiton ndaj Koresë së Jugut dhe diferenca e golave të gjermanëve është më e mirë se ajo e Meksikës apo Suedisë.
– barazon ndaj Koresë së Jugut dhe Suedia humbet kundër Meksikës.
– barazon ndaj Koresë së Jugut dhe Suedia kundër Meksikës përfundon barazim dhe pastaj diferenca e golave është më e mirë se e suedezëve.
– humbet ndaj Koresë së Jugut, Suedia humbet kundër Meksikës dhe pastaj diferenca e golave të gjermanëve është më e mirë se ajo e Suedisë dhe Koresë së Jugut.
MEKSIKA KUALIFIKOHET KUR:
– fiton ose barazon ndaj Suedisë.
– humbet kundër Suedisë, ndërsa Gjermania nuk fiton ndaj Koresë së Jugut.
– humbet kundër Suedisë, ndërsa Gjermania fiton kundër Koresë dhe pastaj diferencën e golave e ka më të mirë sesa gjermanët.
SUEDIA KUALIFIKOHET KUR:
– fiton ndaj Meksikës dhe Gjermania nuk fiton ndaj Koresë së Jugut.
– fiton ndaj Meksikës dhe Gjermania fiton ndaj Koresë së Jugut dhe pastaj diferenca e tyre e golave është më e mirë sesa ajo e Meksikës apo Gjermanisë.
– barazon ndaj Meksikës dhe Gjermania humbet ndaj Koresë së Jugut.
– barazon ndaj Meksikës dhe Gjermania barazon ndaj Koresë së Jugut dhe pastaj diferenca e golave është më e mirë se e Gjermanisë.
– humbet ndaj Meksikës dhe Gjermania humbet ndaj Koresë së Jugut dhe pastaj diferenca e golave është më e mirë se ajo e Gjermanisë dhe Koresë së Jugut.
KOREJA E JUGUT KUALIFIKOHET KUR:
– fiton kundër Gjermanisë dhe Suedia humbet kundër Meksikës dhe pastaj diferenca e golave është më e mirë sesa e Gjermanisë dhe Suedisë.
Rregullorja/ Nga golat te kartonët, ja si “luhet” grupi
Keni një histori? Denonco anonimisht, identiteti juaj mbrohet.
Denonco
