Skocezët e mbyllin sfidën me golin e nderit, gjermanët shënojnë 5

Gjermania e nis me këmbën e mbarë Europianin, “Pancerat” mposhtin Skocinë me ‘manita’ dhe i dërgojnë mesazh pretendentëve

Gjermania e Julian Nagelsmann po tregon se është padyshim mes favoritëve për të ngritur lart trofeun e Kampionatit Evropian të futbollit.

Gjermania e ka mbyllur me rezultat 5-1  ndeshjen hapëse të Kampionatit Evropian 2024 ndaj Skocisë me ndeshjen që po luhet në “Allianz Arena”.

Gjermania pritëse vjen më e karikuar se asnjëherë. Ky është eventi i parë madhor pas 18 vitesh që zhvillohet në tokën gjermane. I fundit ishte ai i vitit 2006, ku pa Italinë me Karnavaron kapiten, që ngriti në qiellin e Berlinit, Kupën e Botës numër 4 për “axurrët”. Gjermanët nuk ishin të zotë ta fitonin kompeticionin atëherë para publikut tyre, por duan që atë ëndërr ta realizojnë këtë vit, me një grup ku kombinohet eksperienca dhe talenti. Sot është etapa e parë, ku ata duhet t’i përgjigjen rezultateve kryesisht negative të kohëve të fundit, dhe t’i tregojnë të gjithëve se përse quhen Gjermania.

Kualifikim historik ishte edhe për Skocinë. Një kombëtare e fortë, që gjithmonë ka luajtur nën hijen e të mëdhenjve britanik, Anglisë. Me një udhëheqës si MekTomini dhe me suportin e tifozëve të mrekullueshëm skocez, që do jenë krahu i djathtë i ekipit, Skocia tenton të shkruajë historinë dhe të mposht Gjermaninë.