Duhej të ishte një ditë feste për Shqipërinë dhe veçanërisht për qytetin e Elbasanit, por militantët e partive partiake e kanë zhvendosur të gjithë vëmendjen e qytetarëve te sherri i krijuar mes tyre.
Fillimisht kanë qenë simpatizantët e Partisë Demokratike që e kanë pritur kryeministrin me thirrjet “Rama ik”, në kohën që kryeministri i shoqëruar nga Taulant Balla dhe ministrja Evis Kushi kalonin në qendrën e qytetit.
Por më pas kanë qenë simpatizantët e Partisë Socialiste që në kor nuk kanë kursyer as fjalët banale në drejtim të kryedemokratit Lulzim Basha.
Të dy grupet e militantëve ndaheshin nga një grup i vogël policësh, të cilët nuk kanë mundur të parandalojnë përplasjen fizike, në të cilën janë përfshirë hshumë persona. Vetëm pas mbërritjes së përforcimeve, efektivët e policisë kanë bërë të mundur të ndajnë simpatizantët dhe kanë shoqëruar në komisariat disa prej tyre.
