Soreca mesazh maxhorancës: Të respektohet ‘5 qershori’
Ambasadori i BE-së në Shqipëri, Luigi Soreca, ka reaguar në lidhje me ndryshimet në Kodin Zgjedhor që po përpiqet të bëjë maxhoranca, siç është formula e listave dhe ndryshimet në formulën e koalicioneve.
Soreca njejtë si Yuri Kim apelon që të respektohet marrëveshja e 5 qershorit dhe ndryshimet të diskutohen në Këshillin Politik, në praninë e opozitës, pastaj të votohet në parlament.
Shënimi i Sorecës
Ne të Bashkimit Evropian përsërisim qëndrimin tonë që marrëveshja e 5 qershorit, e cila ka zbatuar rekomandimet e OSBE / ODHIR mbi reformën zgjedhore, duhet të respektohet. Ne gjithashtu konfirmojmë rëndësinë që çdo propozim për ndryshime të mëtejshme në nenet e kodit zgjedhor, të cilat shkojnë përtej fushës së marrëveshjes së 5 qershorit, diskutohet si duhet në kuadrin e Këshillit Politik në një mënyrë bashkëpunuese dhe gjithëpërfshirëse përpara se të votohet në Parlament.
Keni një histori? Denonco anonimisht, identiteti juaj mbrohet.
Denonco
