Pse ata që nuk paguajnë dot ujin, s’mund të arrestohen?

Ish-ministri i Drejtësisë, Manjani, ka folur lidhur me të ashtuquajturin ‘Aksioni i Ujit’ që nis nga qeveria Rama.

Kreu i qeverisë ka kërcënuar me burg të gjithë ata që nuk do paguajnë detyrimet ndaj ujësjelliësit por Manjani shkruan se kjo gjë është e ndaluar nga Kushtetuta, duke cituar edhe ligjin që flet për këtë çështje.

“Neni 27, pika 3: Askujt nuk mund t’i hiqet liria vetëm për shkak se nuk është në gjendje të përmbushë një detyrim kontraktor.” – shkruan Manjani në Facebook.

Statusi i Manjanit

Informacion ligjor

Sot fillon dita e ligjit “të burgut” për ujin.

Të gjithë të interesuarit, mirë është të dinë se çfarë thotë Kushtetuta e tyre.

“Neni 27

1….

2….

3. Askujt nuk mund t’i hiqet liria vetëm për shkak se nuk është në gjendje të përmbushë një detyrim kontraktor.”

Pra Kushtetuta është dokumenti ligjor i Lirive dhe të drejtave themelore. Nuk është vetëm për KLGJ,KLP, PP, KM, P, KLSH e “pesticide” politike të tilla!

Në radhë të parë është për të garantuar liritë dhe të drejtat.

Siç mund të shihet pamundësia për të paguar nuk të çon në burg! Është e ndaluar!

Vetëm duhet: një kontratë e lidhur dhe të jesh vërtetë i pamundur për të paguar. Edhe kur i plotëson këto kushte, prap nuk futesh në burg! Ndëshkohesh me ligje të tjera civile dhe administrative.