Sot i jepet lamtumira Zef Dedës…

Sot i jepet lamtumira e fundit artistit të madh dhe mjeshtrit të madh Zef Deda. Aktori shkodran humbi jetën mesditën e djeshme në moshën 73-vjeçare pas një sëmundjeje të rëndë.

Pas ndarjes së tij nga jeta, djali i tij dhe aktori Julian Deda njoftoi se homazhet për të do të mbahen ditën e sotme në hollin e Teatrit “Migjeni”.

 “Me dhimbje te thelle, ju njoftoj per ndarjen nga jeta te babait tim, Zef Deda.

Homazhet do behen neser (e Shtune, 25 Nentor) ne hollin e Teatrit “Migjeni”, qe ishte edhe shtepia e tij e dyte, duke filluar nga ora 09:00. Pas homazheve, ne oren 13:00, kortezhi niset per meshen e drites, me pas percjellja per ne banesen e fundit, ne varrezat e Rrmajit”, shkroi aktori.