SPAK me standarde të dyfishta/ Etleva Kondi u burgos për “fatura hoteli” nga Zoto, Ahmetaj i paprekshëm

Për ish-zv.kryeministrin Arben Ahmetaj ligji në duart e prokurorëve të inceneratorëve nuk ka vlerë. Kjo pasi postulati “Ligji është i barabartë për të gjithë” duket se nuk është zbatuar nga prokurorët që kanë patur në dorë hetimin e dosjes së inceneratorëve.

Prokurorët e dosjes së inceneratorëve kanë mbajtur qëndrime të ndryshme për fakte dhe prova të njëjta. Falë zbërthimit të email-eve të Klodian Zotos, i shpallur në kërkim, është zbuluar se si janë korruptuar zyrtarë shqiptarë me bileta avioni dhe prenotime dhomash në hotele luksoze.

Email-et e mëposhtme, të dërguara nga Klodian Zoto në shkurt të vitit 2016 Etleva Kondit ku i komunikohet prenotimi në Booking i një dhome hoteli dhe tek e-maili tjetër biletat e avionit me “Alitalia” u konsideruan si provë nga prokurorët dhe kërkuan masë shtrënguese arrest me burg.

Kondi ishte ish-drejtoreshë në Ministrinë e Energjetikës në kohën kur ky institucion drejtohej nga Damian Gjiknuri dhe po ashtu anëtare e Komisionit të Vlerësimit të Ofertave për inceneratorët. Prej prillit të këtij viti ajo është pas hekurave.

Mes e-maileve të shkëmbyera mes Zotos dhe Kondit është dhe një e-mail i dërguar në nëntor të vitit 2014, ku Etleva i shkruan Zotos të shohë ndryshimet dhe Ministri i Financave është i detyrueshëm për të bërë të mundur fitimin e koncesionit.

Indicia që lidh Klodian Zoton me Ministrinë e Financave por edhe shumë prova të tjera të tjera të nxjerra nga kompjuteri ku Zoto “gostiste” ish-ministrin Arben Ahmetaj me ture turistike e suita nuk kanë asnjë vlerë për prokurorinë e cika nuk ka kryer asnjë veprim.

Për ish-zyrtaren Etleva Kondin, një rezervim hoteli mjaftoi për ta arrestuar ndërsa për Arben Ahmetajn as që u morën në konsideratë. Kujtojmë se për Ahmetajn, Klodian Zoto ka bërë për disa prenotime hoteli me një vlerë totale mbi 10 mijë euro.