Spak merr në pyetje nesër, ish- presidentin Ilir Meta

SPAK do të marrë në pyetje nesër në orën 10:00 ish-presidentin Ilir Meta. Kryetari i Partisë së Lirisë do të japë shpjegime në cilësinë e personit nën hetim, lidhur me akuzat e ngritura nga prokuroria për korrupsion, pastrim parash dhe fshehje pasurie. Ilir Meta pritet të shoqërohet nga ambientet e burgut 313, ku ndodhet prej tetorit 2024. Të hënën, në SPAK u paraqit edhe ish-bashkëshortja e tij, Monika Kryemadhi. Deputetja e PL-së deklaroi se nuk dha shpjegime në SPAK dhe se do të flasë vetëm para gjykatës.