SPAK vë nën akuzë për korrupsion deputetin socialist Plarent Ndreca

Përditësuar më 21 Korrik 2024, 15:52

Prokuroria e Posaçme Kundër Korrupsionit dhe Krimit të Organizuar (SPAK)  po heton një tjetër funksionar të lartë të mazhorancës qeverisëse  deputetit socialist .

Plarent Ndreca është zyrtarishtp nën akuzë për korrupsion, në lidhje me hetimet për tenderat e rindërtimit të komisariateve të Policisë.

Në vitin 2019, zoti Ndreca u emërua Sekretar i Përgjithshëm i Ministrisë së Brendshme, periudhë gjatë së cilës kjo ministri zhvilloi disa tendera për rindërtimin e komisariateve të policisë në rrethe të ndryshme të vendit. Këto tendera kanë qenë të mbuluara me dyshime të forta për korrupsion, dyshime që janë forcuar nga një auditim i Kontrollit të Lartë të Shtetit (KLSH). Pas këtij auditimi, KLSH-ja bëri edhe një kallëzim zyrtar në SPAK.

Dy ditë më parë, prokurorët e SPAK morën në pyetje ish-ministrin e Brendshëm, Sandër Lleshaj, për më shumë se një orë e gjysmë. Lleshaj është thirrur në cilësinë e personit që ka dijeni për çështjen e tenderave nën hetim nga SPAK. Ndërkohë, Ndreca duket se është në pozita më të vështira në raport me hetimin, duke qenë se akuzat e drejtpërdrejta lidhen me veprimtarinë e tij si Sekretar i Përgjithshëm i Ministrisë së Brendshme.

Hetimet e SPAK tregojnë edhe një herë se askush nuk është mbi ligjin dhe se korrupsioni nuk do të tolerohet në asnjë nivel të qeverisjes.