Spille dhe Velipojë dy të mbytur brenda ditës

Dy persona kanë humbur jetën ditën e sotme pasi janë mbytur në bregdetin shqiptar.

Në plazhin e Spiellesë, një 66-vjeçar me iniciale M.H ka humbur jetën sapo ka rënë në kontakt me ujin në det pasi dyshohet se ka pësuar arrest kardiak. Ngjarja ka ndodhur rreth orës 12:40 dhe hetimet për zbardhjen e rrethanave vijojnë ende.

Ndërkohë që pak minuta më parë, një person rreth moshës 60-vjeç ka humbur jetën teksa po lahej në Velipojë. 60-vjeçarin ende të paidentifikuar e ka nxjerrë uji në breg dhe më pas është konstatuar nga pushues të tjerë të cilët menjëherë kanë njoftuar autoambulancën e Velipojës dhe policinë.

Ka dyshime se edhe ky 60-vjeçar ka humbur jetën për shkak të një arresti kardiak. Ndërkohë që pushuesit kanë treguar se trupi i pajetë i 60-vjeçarit ka qëndruar për afro 15 minuta mbi ujë sepse nuk e dinin nëse ishte mbytur apo jo.