Spiropali mbron komisionin anti-SPAK

Ministrja për Shtetin dhe marrëdhëniet me parlamentin, Elisa Spiropali u shpreh në Kuvend për komisionin anti-SPAK, se nëpërmjet tij do të krijohet një plan kombëtar, jo vetëm kundër korrupsionit, por edhe për qeverisjen e mirë.

Kështu Elisa e inceneratorëve mbron komisionin anti-SPAK, që pritet të votohet nga Kuvendi dhe që do të drejtohet nga Fatmir Xhafaj.

“Do ta bëjmë një komision që përfshin jo vetëm diskutime, por do ta ngremë në nivelin e një komisioni që do krijojë një plan kombëtar, jo vetëm kundër korrupsionit, por edhe për qeverisjen e mirë. Ju Basha thoni që mbështesni reformën në drejtësi, por kur ishit në krye të kësaj partie, braktisët zgjedhjet dhe Kuvendin, për të mos votuar ligjet që vinin nga reforma në drejtësi. Kur ishit në kalë, ju keni shpëtuar me procedurë nga hetimet dhe gjykimet. Ju ishit dakord me babain tuaj politik”, u shpreh Spiropali