Stamboll, kulla përfshihet nga flakët, zjarri arrin deri në katin e fundit (VIDEO)

Lajmin e bëjnë të ditur mediat vendase, të cilat kanë shpërndarë edhe pamjet nga vendngjarja.

Sipas burimeve, zjarri ka rënë në ndërtesën 24 katëshe të vendosur në Fikirtepe Mahallesi në Kadıköy.

Flakët kanë nisur në katin e parë dhe më pas kanë mbërritur deri në katin e fundit të pallatit përmes mureve brenda një kohe të shkurtër.

Me njoftimin e situatës, në vendngjarje janë nisur zjarrfikëset. Banorët e ndërtesës u evakuuan ndërsa ekipet e zjarrëfikësve po luftojnë ende me flakët.