Statistikat e Messit dhe Ronaldos që tregojnë se ata janë më të mirët

Përderisa në garë për këtë titull janë edhe shumë ish-futbollistë të tjerë legjendarë, si Pele, Diego Maradona dhe Johan Cruyff, dy pesë-herë fituesit e Topit të Artë konsiderohen nga shumë persona si më të mirët, transmeton Gazeta Express.

Për këtë arsye, World Football ka bashkëpunuar me gazetarin John Burn-Murdoch të Financial Times dhe e ka publikuar një listë me statistikat e tyre sa i përket golave të shënuara, duke i krahasuar ata me lojtarët e tjerë, që nga vitet e 80-ta.

Kapiteni i Barcelonës i ka shënuar 579 gola dhe i shënon mesatarisht 0.97 gola për 90 minuta. Ndërsa, ylli i Juventusi i ka ndëshkuar kundërshtarët e tij plot 586 herë dhe i shënon mesatarisht 0.84 gola për 90 minuta.

Përderisa që të dy lojtarët e kanë kaluar shifrën prej 500 golave, dhe janë shumë afër për t’i arritur 600 gola, pas tyre renditet Zlatan Ibrahimovic me 364 gola.

Ish-sulmuesi i Real Madridit, Raul, i ka shënuar 363 gola, ndërsa ikona e Premierligës, Alan Shearer, 341 të tilla. Sa i përket Top 40 golashënuesve më të mirë që nga vitet e 80-ta, argjentinasi dhe portugezi e shfaqin përsëri dominimin e tyre në futboll. Të dhënat e World Football mund t’i shikoni më poshtë.

Përderisa që të dy futbollistët e kanë kaluar moshën 30-vjeçare, ata nuk kanë treguar asnjë shenjë se janë duke e ulur nivelin e tyre të lojës. Megjithatë, deri më tani, në këtë sezon, Messi ka statistika më mbresëlënëse.