Studentët e Mjekësisë në protestë, Berisha thirrje: Bëhuni lokomotiva e ndryshimit

Ish-kryeministri Sali Berisha u ka bërë thirrje studentëve të Mjekësisë që të mos tërhiqen nga protesta e tyre, por të bëhen lokomotiva e ndryshimit.

Berisha thekson se përballë kanë një regjim të anti-vlerave, të ç’arsimit, të krimit dhe imoralitetit.

Reagimi i plotë:

Studentët e mjekësisë nuk ndalen!

Marshojnë në rrugët e Tiranës kundër vendimit antikushtetues të narko-qeverisë dhe për mbrojtjen e të drejtave të tyre të shkelmuara.

Të dashur miq, studentët e Fakultetit të Mjekësisë kanë mbushur sot rrugët e Tiranës, duke i treguar qeverisë më anti- student, se ëndrrat, qëllimet dhe të drejtat e tyre nuk mund të shkelen me këmbë.

I bëj një thirrje të gjjthë studentëve të mbështesin kërkesat e drejta të studentëve të mjekësisë.

I bëj thirrje studentëve:

Mos u tërhiqni! Përballë keni një regjim të anti-vlerave, të ç’arsimit, të krimit dhe imoralitetit. Bëhuni lokomotiva e ndryshimit, mos u ndalni! #sb