Studimi/ Këto janë punët më stresuese në Europë

Punonjësit socialë, policia dhe profesionistët e strehimit përjetojnë nivelet më të larta të stresit.

Gjetjet theksojnë se faktorë si orët e gjata, përgjegjësitë e mëdha dhe përballja me publikun ndikojnë negativisht në shëndetin mendor. Sektori i arsimit dhe kujdesit shëndetësor janë ndër më stresuesit në Evropë, veçanërisht në Gjermani, Holandë dhe Belgjikë. Në Mbretërinë e Bashkuar, infermierët dhe mësuesit gjithashtu raportojnë nivele të larta stresi.

Studimi i Lepaya tregon se 70% e punonjësve britanikë dhe 71% e gjermanëve janë të stresuar, kryesisht nga mungesa e ekuilibrit jetë-punë dhe punët e pandërprera. Puna në distancë dhe sektorët e shërbimeve emergjente përkeqësojnë kufijtë mes jetës personale dhe punës. 57% e të anketuarve holandezë dhe gjermanë kërkojnë më shumë mbështetje nga punëdhënësit për të menaxhuar stresin.

Në qytete si Londra, ku 91% e punëtorëve përjetojnë stres të lartë, rritet mungesa në punë për shkak të problemeve të shëndetit mendor. Berlini dhe Amsterdami janë gjithashtu ndër qytetet me më shumë kërkime për stres në Google.