Studimi: Solucioni për shpëlarjen e gojës e vret koronavirusin për 30 sekonda

Testimet e kryera në Universitetin e Cardiff gjetën se çdo solucion për higjenën e gojës që përmban të paktën 0.07 cetypyridinium klorid (CPC) tregoi shenja premtuese për të luftuar virusin.

Raporti nuk është shqyrtuar ende, por është bazuar në një studim të një jave më parë, që zbuloi se gargara me solucionin që përmban CPC ul ndjeshëm ngarkesën virale të Covid-19.

Shkencëtarët thonë se studimi i radhës do të prqëndrohet në zbulimi se sa e rëndësishme është ulja e ngarkesës virale të koronavirusit në pështymë.

Ata thanë se solucioni për pastrimin e gojës ka rezultuar shumë efektiv kundër koronavirusit në laborator, por tashmë duhet parë nëse do të ketë të njëjtin efektivitet edhe kur përdoret në shpëlarjen e gojës.