Sulm me kaçavidë në mes të Durrësit

Një plagosje me kacavidë ka ndodhur para pak minutash në qendër të qytetit të Durrësit.

I plagosuri është dërguar në Urgjencë dhe është futur në sallën e operacionit.

Burimet thanë se ai është jashtë rrezikut për jetën.

Policia ka identifikuar dhe arrestuar autorin. Nuk dihet shkaku i konfliktit që coi në përdorimin e armëve të ftohta. Policia pritet të dalë me njoftim zyrtar lidhur me ngjarjen për të sqaruar dinamikën e ngjarjes.