Të shtëna me armë zjarri në Lushnje, plagoset një person

Të shtëna me armë zjarri janë regjistruar ditën e sotme në qytetin e Lushnjes.

Bëhet me dije nga burime për media se një person ka mbetur i plagosur., teksa është identifikuar me inicialet K.M 44vjeç.

Deri më tani nuk ka shumë informacione, teksa policia ndodhet në vendin e ngjarjes dhe po punon për zbardhjen e shkaqeve.

Informacion paraprak

Sot rreth orës 16:15, në afërsi të stacionit të trenit, Lushnjë, në rrethana ende të paqarta është plagosur me armë zjarri shtetasi K. M., 44 vjeç, banues në Saravë, Lushnjë, i cili ndodhet në spital nën kujdesin e mjekëve.

Shërbimet e Policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes.

Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit.