“The Economist” publikon statistikat: Ja sa shqiptarë kanë vdekur prej pandemisë. Shifra 4 herë më e lartë se ajo e raportuar

Gazeta presitigjoze britanike “The Economist” ka publikuar një artikull ku pretendon se raporton numrin e vërtetë të vdekje nga pandemia, duke përgënjeshtruar në këtë mënyrë shifrat e raportuara nga institucionet përgjegjëse të shteteve.

“The Economist”, përpunoi të dhëna nga 186 shtete të botës, përfshirë edhe vendin tonë dhe ka arritur në rezultatin se numri i viktimave nga Covid-19 nuk është 5.5 milionë, por rreth 19.1 milion. Kjo shifër është gati katër herë më e lartë nga ajo që kanë raportuar zyrtarisht shtetet.

Për sa i përket Shqipërisë, “The Economist” vlerëson se numri i real i personave që kanë ndërruar jetë nga pandemia varion nga 12 në 15 mijë, teksa shifrat e publikuara nga Ministria e Shëndetësisë raportojnë vetëm 3247 vdekje.

Hulumtimi i bërë në 186 shtete nga “The Economist”, bazohet në një sistem kompjuterik i cili krahasuar vdekshmërinë në kushte normale të popullsisë dhe numrit total të personave që kanë ndërrruar jetë pavarësisht shkakut të tyre. Diferencën prestigjozja e lidh me pandeminë pasi në rajonin në fjalë apo në shtetin në fjalë nuk ka ndodhur njonjë katastrofë humanitare që mund të ketë rritur në mënyrë drastike vdekjet nga mesatarja e tyre në kohë normale.