Thyhet memoriali turk në Tiranë, policia rrethon zonën. Ja fotot

Dëmtohet memoriali në nder të viktimave që kundërshtuan tentativën e grushtit të shtetit në Turqi, i cili është i vendosur në zonën e liqenit artificial në Tiranë. Sic shihet edhe nga fotot, pllaka është dëmtuar në pjesën anësore të saj.

Ne vendngjarje ka shkuar policia e cila ka rrethuar zonën ku ndodhet memoriali.

Demtimi ka ndodhur mëngjesin e sotem.

Policia e Tiranës në një informacion paraprak thotë:

“Në orët e para të mëngjesit, tek parku i Liqenit të Thatë, një person ende i paidentifikuar ka dëmtuar me sende të forta një pjesë të një memoriali.

Grupi hetimor po kryen veprimet me qëllim identifikimin dhe kapjen e autorit“.

Ky akt vjen pasi vendosja e këtij memoriali u shoqërua me reagime të shumta, kryesisht në rrjetet sociale. Memoriali i kushtohet viktimave të tentativës për grusht shteti në Turqi, më 15 korrik të 2016-ës, kundër presidentit Rexhep Taip Erdogan.