“TikTok” vjen me risi, nuk do të mbajë më sekrete

Duke lundruar në TikTok, do të keni hequr dorë nga mendimi se algoritmi i tij është… djallëzor, i saktë dhe gjithmonë i përditësuar. Sikur të njeh aq mirë sa të vëzhgon çdo minutë të ditës.

Sipas mediave TikTok është gati të zbulojë sekretin e madh të faqes së tij “Për ty” (For you). Faqja e çdo përdoruesi që tregon përmbajtje bazuar në shijet e secilit dhe që çdo TikTok-er përpiqet ta zotërojë.

Gjigandi i mediave sociale që qëndron pas TikTok, ByteDance do të zbulojë më shumë rreth zhbllokimit të disa aspekteve të algoritmit të tij. Duke ndërmarrë hapa të rëndësishëm drejt transparencës së TikTok, aplikacioni do t’i prezantojë përdoruesit një veçori që “do t’i ndihmojë ata të kuptojnë pse u është rekomanduar një video e veçantë”.

TikTok, nga ana e tij, thotë se me kalimin e kohës synon të rrisë detajet dhe transparencën në këtë funksion, pasi versionet e ardhshme mund të përfshijnë faktorë të tjerë që ndikojnë në algoritmin e aplikacionit, siç janë cilësimet e llogarisë së një personi.