Tiranë-Durrës shpejtësi vrasëse 225km/h

Policia Rrugore ka ushtruar kontrolle me radarë në rrugën interurbane Tiranë-Durrës me qëllim parandalimin e aksidenteve rrugore.

Gjatë kontrolleve është ndaluar një 28-vjeçar nga Preza, i cili po udhëtonte me 225 km/h.

Në postimin e tyre, Policia Rrugore shkruan se kjo shpejtësi është vrasëse, papërgjegjshmëri ndaj jetës, rrezik potencial edhe për jetën e përdoruesve të rrugës.

Sipas tyre, policia nuk ka qëllim gjobat por ka prioritet sigurinë e jetës së përdoruesve të rrugës.