Tiranë/ Kishte pistoletë në mobilerinë e tij, arrestohet 51-vjeçari

Një 51-vjeçar në Tiranë që posedonte armë zjarri pa leje, ka rënë në prangat e Policisë.

Përmes një njoftimi, Policia bën të ditur se gjatë kontrollit në një subjekt (mobileri), në pronësi të 51-vjeçarit, shërbimet e Policisë gjetën dhe sekuestruan në cilësinë e provës materiale, 1 armë zjarri pistoletë me mulli.

Ndërkohë materialet i kaluan Prokurorisë, për veprime të mëtejshme procedurale.

NJOFTIMI ZYRTAR

Specialistët për Hetimin e Krimeve në Komisariatin e Policisë Nr.6, në vijim të punës për goditjen e veprimtarisë kriminale në fushën e armëmbajtjes pa leje, bazuar në inteligjencën informative,për një shtetas që mbante armë zjarri në subjektin e tij, kanë organizuar punën dhe kanë finalizuar operacionin policor të koduar “Gun”.

Si rezultat i të cilit bënë arrestimin në flagrancë të shtetasit A.H, 51 vjeç, banues në Tiranë.

Gjatë kontrollit në një subjekt (mobileri), në pronësi të 51-vjeçarit, shërbimet e Policisë gjetën dhe sekuestruan në cilësinë e provës materiale, 1 armë zjarri pistoletë me mulli.

Materialet i kaluan Prokurorisë, për veprime të mëtejshme procedurale.