Tmerr në familjen shqiptare: Babai i kërcënohet me thikë të birit 17-vjeçar para së bijës së mitur

Mbrëmje tmerri për një familje shqiptare në Montelupo Fiorentino të Italisë. Babai kishte marrë thikë dhe kërcënonte të vriste djalin e tij 17-vjeçar. Sipas mediave italiane, 35-vjeçari ishte në gjendje të dehur. E gjithë skena ndodhi në sy të vajzës së vogël të familjes. Shqiptari kërcënonte edhe bashkëshorten e tij, të cilën e goditi me celular në kokë, përcjell klan.tv. Kanë qenë vet anëtarët e familjes që lajmëruan policinë.

Karabinierët arrestuan shqiptarin të akuzuar për dhunë në familje. Autoritetet thonë se familjarët ishin të tronditur psikologjikisht. Ata i thanë policisë se veprimet e 35-vjeçarit nuk ishin sporadike, por rast i përsëritur. Ai kishte ushtruar dhunë ãzike e psikologjike edhe më parë ndaj anëtarëve të familjes. Për fat të mirë, asnjëri prej tyre nuk pësoi lëndime.