Topalli regjistron partinë në gjykatë

Pas 7 vitesh mungesë në politikë, Topalli është rikthyer dhe ka prezantuar pak javë më parë projektin e saj më të ri, “Lëvizja për Ndryshim”, parti me të cilën do të garojë në zgjedhjet e 25 prillit 2021.

Mesa duket ish-kryeparalamentarja ia ka dalë të mbledh votat që duhen për të regjistruar partinë dhe tashmë ajo zyrtarizohet për të marrë pjesë në zgjedhjet e 25 prillit. Kujtojmë se, pak kohë më parë edhe deputeti Myslim Murrizi ka krijuar dhe ka regjistruar në Gjykatë partinë me të cilën do të garojë në zgjedhje, Lëvizjen Demokratike Shqiptare.

Ndërkohë, pritet që më datë 28 Nëntor dhe deputetja Rudina Hajdari të prezantojë partinë me të cilën do të garojë në këto zgjedhje, një lëvizje e krijuar prej saj. Të tre politikanët e mësipërm që në këto zgjedhje do të garojnë me partitë e tyre, kanë dalë nga lista e PD.