Tragjike, vdes punëtori në Greqi

Ngjarja e rëndë ka ndodhur në qytetin Volos, ku në fabrikën ku punonte 45-vjeçari shqiptari ndodhi një shpërthim i madh.

Mediat e vendit fqinj bëjnë me dije se shqiptari dhe dy të tjerë, ishin duke salduar, kur ndodhi një shpërthim gazi, dhe e gjithë ndërtesa u përshi në flakë.

Në vendin e ngjarjes shkuan forca të shumta policie si dhe zjarrfikëset, por ata nuk mundën dot të shpëtonin 45-vjeçarin, i cili gjeti vdekjen për shkak të asfiksisë nga tymi.

Deri tani nuk është bërë me dije identiteti i shqiptarit, ndërsa raportohet se ai ishte babi e tre fëmijëve.

Dy punonjësit e tjerë, mundën të dilnin nga godina pa lëndime, kurse vetëm pas 3 orësh u bë i mundur vënia nën kontroll i flakëve nga zjarrfikëset.

Lidhur me shpërthimin, policia greke ka nisur hetimet.