Trojet në bregdet: Shkarkohet sërish një drejtore kadastre pa u mbushur viti

Përsëri ndryshime drejtuesisht në kadastrat e vendit, pa u mbushur viti dhe sërish në një kadastër që zotëron trojet në bregdet.

Mësohet se u është shkarkuar Drejtoresha e Agjencisë Shtetërore të Kadastrës së Durrësit, Viola Hima, vetëm disa muaj pasi mori detyrën. Hima, më parë ka qënë drejtore e hipotekës së Vlorës, ku ndenji vetëm 3 ditë në punë: U emërua të premten e 29 majit dhe u dorëhoq të hënën e 1 qershorit 2020.

Hima është zëvendësuar me Rajmonda Dashin, e cila më parë ka mbajtur postin e drejtoreshës së Kadastrës në Krujë.

Rajmonda Dashi, drejtuesja e re është prezantuar nga nëndrejtoresha e ASHK, Risena Xhaja.