Tropojë/ Në Luzhë është vrarë me armë shtetasi R.A., 25 vjeç

Në malin e fshatit Luzhë në Tropojë është vrarë me armë zjarri shtetasi R.A., 25 vjeç, njofton Policia.

Shërbimet e Policisë kanë shkuar në vendngjarje dhe nga veprimet paraprake ka rezultuar se shtetasi R.A i cili po kulloste bagëtitë në fshatin Luzhë dyshohet se është vrarë me armë zjarri automatik, për motive të dobëta, nga shtetasi S.R., 23 vjeç, banues në Luzhë.

Grupi hetimor ndodhet në vendin e ngjarjes ku po punon për zbardhjen e plotë të rrethanave të ngjarjes.