Turisti francez, jo vetëm shkatërron dhomën e hotelit por ikën dhe pa paguar

Një incident i pazakontë ka ndodhur në një hotel, ku një klient me pasaportë franceze ka shkaktuar dëme të konsiderueshme. Klienti, i cili u kthye në hotel pas orës 3-4 të mëngjesit i dehur, ka thyer derën e hotelit dhe derën e dhomës ku po qëndronte. Pas këtij akti të pakujdesshëm, ai është larguar nga hoteli pa dhënë asnjë llogari dhe pa paguar dëmet e shkaktuara.Stafi i hotelit ka tentuar disa herë ta kontaktojë klientin përmes tre numrave të ndryshëm telefoni, por ai ka refuzuar të përgjigjet dhe i ka bllokuar ata. Në një thirrje të hapur për të gjithë hotelet e tjera, stafi kërkon që ky klient të mos pranohet në asnjë hotel tjetër për shkak të rrezikut të shkaktimit të dëmeve të ngjashme.