“Twitter” mohon akuzat për “hakimin e adresave

Mbi 200 milionë adresa email-i të përdoruesve të “Twitter” janë zbuluar dhe janë në shitje në internet, por “Twitter” mohon që të dhënat të kenë dalë nga hakimi i tij.

Në deklaratën e parë që bëri për këtë çështje, përfaqësuesi i “Twitter” theksoi se “nuk ka prova” që të dhënat kanë ardhur nga ky hakim dhe se të dhënat e publikuara tashmë ishin publike në internet.

Megjithatë, Hudson Rock, kompania që zbuloi këtë ngjarje, kundërshton argumentet e “Twitter”.

“U bëj thirrje studiuesve të sigurisë që të kryejnë një hetim të plotë të të dhënave të rrjedhura dhe të hedhin poshtë pretendimin e ‘Twitter’ se email-et janë një formë e pasurimit të të dhënave që nuk e kanë origjinën nga serverët e tij” , u shpreh Alon Gal, bashkëthemelues i Hudson Rock.

Javën e kaluar, një person zbuloi 200 milionë adresa emaili nga përdoruesit e “Twitter”, të cilat ishin në dispozicion për të gjithë të interesuarit për një shumë të vogël parash.