U hiqet patenta në vendet e tyre/ Si po “pastrohen” të huajt në Shqipëri

Shqipëria është kthyer në një vend rehabilitues për shtetasit e huaj, të cilëve iu është hequr patenta në vendet e tyre, pasi janë kapur me shkelje të rënda të rregullave të qarkullimit rrugor.

Raportohet se shtetas të huaj vijnë në vendin tonë dhe marrin një banesë me qira. Më pas ata aplikojnë për leje qëndrimi dhe leje drejtimi të automjetit

Ata mbajnë të fshehtë penalizimin në vendet e tyre dhe në Shqipëri paraqiten si fillestarë që duan pajisjen me patentë.

Procedura zgjat rreth një muaj e gjysmë dhe me pak shpenzime shtetasit e huaj pajisen me atentën shqiptare, e cila njihet tashmë në disa vende të BE.

Kryesisht kjo gjë bëhet nga shtetasit e vendeve fqinje, të cilët më patentën e re rezultojnë të pastër nga shkeljet në raste kontrolli.

Ndërkohë, e kundërta ndodh me shqiptarët që duan të pajisen me patentët në Evropë apo SHBA.