U plagos nga kolegu/ Ndërron jetë efektivi në Dibër

Ka ndërruar jetë efektivi i plagosur nga kolegu i tij në Spitalin Rajonal të Dibrës.

Ardian Roçi u plagos për vdekje me armë zjarri nga kolegu i tij Naim Muliu, pas një konflikti mes tyre.

Në momentin e konfliktit, efektivët po ktheheshin nga një drekë që kishin konsumuar së bashku në Dibër të Madhe. Ndonëse drejt Dibrës u nis një helikopter nga Tirana për transportimin e të plagosurit, ky i fundit nuk arriti tu mbijetojë plagëve të marra, dhe ka ndërruar jetë në spital.

I ndjeri Ardian Roçi, ishte specialist IT në Drejtorinë e Policisë Rajonale të Dibrës.

Kujtojmë se autori i ngjarjes Naim Muliu, është vetëdorëzuar në polici, ku është arrestuar nën akuzën, “plagosje e rëndë me dashje”, akuzë që pritet të rëndohet pas humbjes së jetës së kolegut, Roçi.