U zgjodh President me 78 vota pro, Bajram Begaj me dorë në zemër, deputetët e duartrokasin

Bajram Begaj u zgjodh Presidenti i ri i Shqipërisë me 78 vota pro, 4 kundër dhe një abstenim.

Menjëherë sapo emri i tij u lakua si Presidentit, deputetët kanë shpërthyer në duartrokitje, ndërsa vetë Begaj me dorë në zemër i falënderoi dhe më pas i takoi një për një.

Kujtojmë që për Bajram Begajn ka votuar edhe një deputeti i opozitës, por nuk dihet emri i tij.

Prononcimi i Ramës

Kryeministri Edi Rama tha se maxhoranca tentoi një konsensus për presidentin e ri, referuar këto opzitës së Enkelejd Alibeajt. Ndërsa për Berishën u shpreh se “nuk kërkuan konsensus me të vdekurit”

Rama u pyet gjithashtu edhe për faktin që ish kreu i PD-së, Lulzim Basha mungoi në seancën e sotme.

Ju vjen keq që nuk kishit një President konsensual?

Rama: Nuk e kemi kërkuar kurrë dhe nuk e kemi pritur që të kemi konsenus me të vdekurit. Kemi qenë këtu për të pasur konsensus me të gjallët.

Basha nuk ishte i pranishëm në seancë…

Rama: Lëreni të flejë.