Ulsi Manja,kërcënon analistin Fatos Lubonja për deklaratat që bën

Përditësuar më 25 November 2017, 16:15

Kryetari i Komisionit të Ligjeve, njekohesisht deputeti i Partise Socialiste, Ulsi Manja, ka kërcënuar analistin Fatos Lubonja për deklaratat që bën në studiot televizive. Sipas Manjes, deklaratat e Lubonjes janë të dënueshme nga Kodi Penal.

Kete Manja e tha teksa ishte i ftuar në emisionin ‘Të Paekspozuarit’, ku akuzoi analistin Fatos Lubonja se përpiqet të krijojë turbullira publike duke pretenduar se Shqipëria është në luftë.

“Ai nuk jeton këtu, ai jeton në hënë. E kupton çfarë flet ai? Këto që thotë ky janë të dënueshme nga kodi penal. Janë thirrje për krijim turbullirash publike. Duke dhënë një realitet imagjinar, se e ka në kokë atë, tenton të krijojë turbullira publike në një shtet ku funksionon ligji. Ka të paktën katër vjet në studio që Shqipëria për këtë është luftë”, u shpreh Manja.