Unaza e Re, ARRSH: Janë vlerësuar 82% e subjekteve
Autoritet Rrugor Shqiptar bën me dije se në kuadër të ndërtimit të Unazës së Re, sot është kryer vlerësimi për 10 objekte të tjera.
Sipas ARRSH-së edhe gjatë ditës së sotme procesin e vlerësimit të banesave në kuadër të projektit për rehabilitimin e Unazës së Madhe të Tiranës, segmenti nga Pallati me Shigjeta tek Sheshi Shqiponja.
Inxhinierët e ARRS-së ishin të pranishëm në objektet, pronarët e të cilëve kanë depozituar dosjet pranë këtij institucioni dhe kanë kërkuar t’u nënshtrohen vlerësimeve dhe procesit të shpronësimit.
Sot u bë e mundur që në të tria lotet të kryhet verifikimi i 10 objekteve të tjera, kryesisht disa katëshe. Duke llogaritur dhe objektet e verifikuara më parë, ARRSH konstaton se janë vlerësuar 82% e totalit të atyre që deri më tani kanë dorëzuar dokumentet pranë institucionit të Autoritetit Rrugor Shqiptar.
Ndërkaq, në ditët në vijim do të vazhdojë ky proces verifikimi për të gjithë banorët që depozitojnë dosjet.
Keni një histori? Denonco anonimisht, identiteti juaj mbrohet.
Denonco
