Uzuni shënon golin e 8 sezonal me Granadën

Përditësuar më 9 November 2024, 20:52

Myrto Uzuni ka gjetur sërish golin në Spanjë. Sulmuesi i Granadës tundi rrjetën e Eldenes nga pika e bardhë e penalltisë.

Ishte minuta e 17, kur Uzuni shënoi në sfidën e vlefshme për javën e 14
të La Liga 2. Sulmuesi i Kombëtares ka treguar një formë mjaft të mirë në ndeshjet e fundit dhe i ka “dërguar sms” trajnerit Silvinjo për një fanellë titullari në Ligën e Kombeve.

Kur të gjithë menduan se ndeshja do të mbyllej në barazim, u shfaq sërish Uzuni. Shqiptari realizoi golin e dytë personal në minutën e 90-të, për t’i dhënë fitoren 3-2 Granadës.

Me këtë dopietë, Uzuni shkon në kuotën e tetë golave për këtë sezon.