Vajza gjermane zhduket në Pogradec, njerku kërkon ndihmë për ta gjetur

Një vajzë e mitur gjermane e cila po pushonte ne Pogradec me familjen rezulton e zhdukur prej ditës së djeshme. 12 vjeçarja thuhet se është parë për herë të fundit rreth orës 15:00, të së shtunës (11 gusht) në lagjen nr 1 Pogradec, në zonën e plazhit publik. Denoncimi ne polici është bërë nga njerku i saj.

“Më datë 12.08.2018, në Komisariatin e Policisë Pogradec, është paraqitur shtetasi V.F, 37 vjeç, banues në Pogradec, i cili  ka bërë kallëzim se më datë 11.08.2018, rreth orës 15:00, në lagjen nr 1 Pogradec, në zonën e plazhit publik, ku familja e tij po pushonte i është larguar vajza e bashkëshortes së tij shtetasja Florentina Meyer, 12 vjeçe, banuese në Gjermani.

Policia kërkon ndihmë për të gjetur vajzën e cila është e gjatë 155 cm, flokët ngjyrë të çelur, sytë bojëqielli.

Në momentin e largimit ajo ka qenë e veshur me një bluze ngjyrë gri, atlete ngjyrë të zeza, me mbishkrimin “Adidas”, si edhe një palë pantallona të shkurtra me lara. Vajza zotëron vetëm gjuhën gjermane.