Vasili thirrje Ramës: Je mbërthyer nga frikëra të tmerrshme, pusho dhe bëj detyrën

Nënkryetari i LSI, Petrit Vasili i ka kërkuar kryeministrit Edi Rama që të pushojëme atë që ai e quan helmin tragjik, pasi shqiptarët nuk do jenë viktima të frikës së tij.Vasili i referohet deklaratës së kryeministrit bërë sot teksa iu drejtua të rinjve dhe adoleshentëve kur iu kërkoi të mos dilnin nga shtëpia pasi po rrezikonin jetët e tyre dhe të familjarëve.

“E pavërtetë që të rinjtë janë të paprekshëm madje edhe fëmijët s’janë 100% të paprekshëm. Ndaj ju lutem të rinjve, gjimnazistë, studentë, që dalin në lagje për ajrosje e luajnë edhe basketboll mes orëve 16:00 e 18:00 të mos lëvizin nga shtëpia për asnjë arsye se jo vetëm do transportojnë bombat në shpi e të vrasin prindin apo gjyshen, por mund të humbasin edhe jetën e tyre“, tha Rama sot.

Por Vasili thotë se me këto deklarata, Rama,“i mbërthyer në grykë nga frikëra të tmerrshme fizike dhe politike, si dhe nga një paaftësi e plote qe te qeverise situatën, kryeministri po infekton opinionin me pesimizem, fatalitet dhe tragjizem helmues“.

REAGIMI I PLOTE

Kryeminister pusho helmin tragjik dhe bej detyren ne heshtje, ne e bëfsh dot!

Kryeminister boll,boll,boll bere Kasandren, shqiptaret nuk do te jene kurre viktimat e frikes tende!

Mesazhe te zeza dhe nje Kasander e lige e injorante ky eshte kryeministri i Shqiperise ne keto dite te veshtira.

I mberthyer ne gryke nga frikera te tmerrshme fizike dhe politike, si dhe nga nje paaftesi e plote qe te qeverise situaten, kryeministri po infekton opinionin me pesimizem, fatalitet dhe tragjizem helmues.

Detyra e tij eshte te drejtoje, te zgjidhe problemet dhe plotesoje nevojat qe perballimi i situates kerkon.

Shkenca jep te tjere mesazhe, qe lidhen me kujdesin shume te forte,respektimin e rregullave, por edhe me optimizmin se beteja me corona virusin do te fitohet patjeter dhe ditet e mira nuk jane larg.

Zhvillimet ne Kine dhe Kore jane deshmi solide se pesimizmi nuk duhet te na kaploje dhe se ecuria e pandemise ka fillim zhvillim dhe fund.

Keto zhvillime jane shembulli dhe detyra se ç’duhet te bejne qytetaret, por shume dhe akoma me shume se ç’duhet te beje qeveria.

Boll kryeminister prodhove makabritete per te qetesuar e shfajsuar veten.

Si profesionist po te drejtohem publikisht dhe po te them pusho dhe leri te qete shqiptaret qe te degjojne profesionistet e mjeksise dhe se bashku me ta te fitojne kete beteje.

Ti qendrove ne bisht te situates, nuk veprove ne kohen kur duhej te veproje, por u more me propagande.

Koha te ndeshkoi.

Tani pusho dhe bej detyren ne heshtje, ne e bëfsh dot.