“Vdiqe në krahët e mi”, gruaja tregon momentet e fundit të Shpat Kasapit

Gruaja e Shpat Kasapit, Selvije Jao, ka rrëfyer momentet e fundit të jetës së këngëtarit, i cili u nda papritur nga jeta pas një ataku kardiak. Në një reagim prekës në rrjetet sociale, ajo tregon se Shpati u shua në krahët e saj.

Postimi i saj emocionues:

“U largove në krahët e mi, o jetë… Sa të lumtur ishim që më në fund po mbaroheshin dokumentet e Roelit në Itali, vetëm që ta çonim tek specialistët më të mirë. Sa shumë kemi luftuar, sa stres kemi përballuar… dhe askush nuk e di. Sa pranë kemi qenë, sa shumë kemi ndarë bashkë, duke u gëzuar rritjes së Roelit. Nuk e prite ta dëgjoje duke të thirrur ‘babi’… Nuk prite, Shpat. U nxitove dhe na le vetëm.

E le Roelin pa baba, në momentin kur kishte më shumë se kurrë nevojë për ty, për duart e tua. Si t’ia shpjegoj unë Roelit që babai nuk do të jetë më?

Më premtoje se do të më doje deri sa vdekja të na ndante… por pse u ndave nga jeta në krahët e mi? Pse ma theve zemrën kështu, o shpirt?

Uroj të takohemi në Xhenet… Allahu të deshi pranë vetes, por unë ende pres të zgjohem dhe të jesh këtu, pranë nesh.”